ذاکر کربلا :حاج سید عسگری داداش نژاد

امشو امیر المؤمنین  راحت ُبونه از غم

 دنیا از این غم بهیه آشُفته ودَر هَم

عباس وحسین وحسن برمه گلی بینه          

زینب چی کار کنّه خدا از این غم وماتم

آه از دل زینب      آه از دل زینب (۲)    

شمشیر ابن ملجم آخر کارگر بیّه                

شیر خدا عازم به دنیای دیگر بیّه

من بمیرم که زینب از غم خونجگر بیّه                    

زنّه شه سر ودلّه زهرای کیجا از غم

آه از دل زینب      آه از دل زینب  (۲)

خدا چه صبری هدائه زینب ُکبراره   

چه طاقتی هِدا خُدا نائب زهراره

با چه دلی بدیه زخم سر باباره  

 چاک هیته سرره چی جوری بمالسه مرهم

آه از دل زینب      آه از دل زینب  (۲)   

دواره تازه بیّه داغ زینب کبرا                      

کوفه بمثل مدینه بهیه غم افزا

ندومه غسل وکفن ودفن چه شو بیّه بر پا              

از این مصیبت سوزنه قلب همه عالم

آه از دل زینب      آه از دل زینب (۲)

زینب صبر بلاره که غم نصیب هسّه                     

پِر وبرارون واری چنّه غریب هسّه

اتّا زن واین همه غم خله عجیب هسّه                   

مثل اینکه غم وبلا بیّه ونه همدم

آه از دل زینب      آه از دل زینب  (۲)

پِر دره جان دنه کیجا  زنّه شه سرسرره                

ونگ ووا کنه هر نفس خدای داور ره

حسن وحسین دلداری دنّه شه خواخر ره              

تسلی دنّه زینبینّه برارون هردم

آه از دل زینب      آه از دل زینب  (۲)